М.Отгонбаяр

Гүйцэтгэх захирал

М.Отгонбаяр нь Монгол Бизнес дээд сургуулийг эдийн засагч мэргэжлээр бакалавр зэрэг, Хойд Виржинагийн их сургуулийг санхүүгийн удирдлагаар мастерын зэрэг хамгаалсан. Банк санхүү, төслийн удирдлагын чиглэлээр хувийн хэвшилд удирдах түвшинд амжилттай ажиллаж ирсэн 18 орчим жилийн ажлын туршлагатай.

Дэлхийн банк ба Нордикийн Хөгжлийн Сангийн санхүүжилттэй Тээвэр Хөгжүүлэх Төслийн дэд хэсэг болох Замын хөдөлгөөний аюулгүй байдлыг сайжруулах Зөвлөх үйлчилгээний төслийн Монголын талыг хариуцсан менежер, Азийн хөгжлийн банкны санхүүжилттэй Хөдөө орон нутгийн нийтийн аж ахуйг сайжруулах төслийн удирдагч, Монгол шуудан, Голомт зэрэг банкнуудад дэд захирал, газар, хэлтсийн захирлаар ажиллаж байсан.

2016 оны 10 дугаар сараас ТрансБанкны Гүйцэтгэх захирлын албан тушаалд томилогдон ажиллаж байна.

Ч.Сайнбилэг

Санхүү эрхэлсэн дэд захирал
Ч.Сайнбилэг нь МУИС-ийн Эдийн засгийн сургуулийг Эдийн засагч, Банк-Мэдээлэл боловсруулагч мэргэжлээр бакалавр зэрэг, АНУ-ын Калифорниагийн Олон улсын бизнес, худалдаа мэргэжлээр магистрын зэрэг хамгаалсан.

Банк санхүү, хувийн хэвшлийн байгууллагад ажилласан 20 орчим жилийн туршлагатай. Монгол Шуудан банканд гадаад төлбөр тооцооны ажилтан, валют арилжааны дилер, ахлах эдийн засагч, хэлтсийн захирал, Төрийн банкны ТУЗ-ын хараат бус гишүүн, Хадгаламжийн даатгалын корпорацид дэд захирлаар ажиллаж байсан.

2017 оны 3 дугаар сараас ТрансБанкны Санхүү эрхэлсэн дэд захирлын албан тушаалд томилогдон ажиллаж байна.

Ц.Гантулга

Үйл ажиллагаа хариуцсан дэд захирал

Ц.Гантулга нь МУИС-ийн Математик компьютерын сургуулийг Программ хангамжийн инженерийн бакалавр зэрэг, АНУ-ын Бриджпортын Их Сургуулийн Эрнэст Трефз нэрэмжит Бизнесийн сургуулийг Бизнесийн удирдлагын магистрын зэрэг, болон тус Их сургуулийн Инженерийн сургуулийг Технологийн менежментийн магистрын зэрэг, Олон нийтийн болон олон улсын харилцааны коллежийг Олон улсын харилцааны магистрын зэрэг, МУИС-ийн Хуулийн сургуулийг эрх зүйн бакалавр зэргээр суралцсан.

Мэдээллийн технологи, төслийн менежмент, уул уурхай, зам барилга, тээвэр логистик, банк санхүү зэрэг хөгжлийн тэргүүлэх салбаруудад, АНУ-д хангамж, нөөцийн менежмент болон худалдааны зөвлөх үйлчилгээний чиглэлээр нийт 20 орчим жил ажилласан олон улсын туршлагатай.

2017 оны 12 дугаар сараас ТрансБанкны Үйл ажиллагаа хариуцсан дэд захирлаар ажиллаж байна.

О.Одхүү

Хөрөнгө оруулалт хариуцсан дэд захирал

О.Одхүү нь Турк улсад Стамбулын их сургуулийг бизнесийн удирдлагын мэргэжлээр бакалавр зэрэг, Англи улсад Лондонгийн Бизнесийн их сургуулийг санхүүгийн мэргэжлээр мастерын зэрэг хамгаалсан.

Банк санхүү, уул уурхай, барилга логистикийн салбарт ажилласан 12 орчим жилийн туршлагатай. Монголын арилжааны тэргүүлэгч банкнуудад эрсдэлийн удирдлагын чиглэлээр, Сингапур, Турк, АНУ зэрэг орнуудад хөрөнгө оруулалтын судалгаа болон хөрөнгө оруулалтын чиглэлээр удирдах албан тушаалд ажиллаж байсан.

ТрансБанкны ТУЗ-ийн даргын Зөвлөхөөр ажиллаж байсан ба 2017 оны 11 дүгээр сараас ТрансБанкны Гүйцэтгэх удирдлагын багт орж, Хөрөнгө оруулалт хариуцсан дэд захирлаар ажиллаж байна.

Ж.Батаа

Хөрөнгө зохицуулалт хариуцсан дэд захирал

Ж.Батаа нь МУИС-ийн Эдийн засаг газар зүйн сургуулийг бакалавр зэрэг, Цог дээд сургуулийн Мэргэжлийн англи хэлний бакалавр зэрэг, Англид Бирмингемийн их сургуулийг бизнесийн удирдлагын магистрын зэрэг хамгаалсан.

Банк санхүүгийн салбарт ажилласан 24 орчим жилийн туршлагатай. Жалсрай хязгаарлагдмал хариуцлагатай компанийн менежер, Монголбанкинд дилер, ахлах дилер, Худалдаа хөгжлийн банкинд ахлах дилер, газрын захирал, “Aim Capital Partners”-ын гүйцэтгэх захирал, Кредит Монгол банк бус санхүүгийн байгууллагын Гүйцэтгэх захирал, Монголбанкинд санхүүгийн зах зээлийн хэлтсийн захирал, зах зээлийн газрын захирал, ахлах эдийн засагч зэрэг албан тушаалд ажиллаж байсан.

2017 оны 10 дугаар сараас ТрансБанкны Хөрөнгө зохицуулалт хариуцсан дэд захирлаар ажиллаж байна.

 

 

С.Бат-Оргил

Байгууллагын банк хариуцсан дэд захирал

С.Бат-Оргил нь Идэр дээд сургуулийг бизнесийн удирдлагын мэргэжлээр бакалавр зэрэг, МУИС-ийн Бизнесийн удирдлагын магистрант, 2006 оноос хойш хөрөнгийн үнэлгээ, зээлийн эрсдэл, даатгалын чиглэлээр Япон болон бусад улсад мэргэшүүлэх сургалтад хамрагдсан.

Банк санхүү, зээлийн эрсдэлийн удирдлагын чиглэлээр 12 жил ажилласан туршлагатай. Хаан банкинд зээлийн ажилтан, Монгол шуудан банкинд зээлийн бодлого хариуцсан хэлтсийн мэргэжилтэн, Хадгаламж банкинд орон нутгийн салбарын удирдлагын газарт зээл, үйл ажиллагаа хариуцсан хэлтсийн захирал, ахлах мэргэжилтэн, зээлийн эрсдэлийн удирдлагын хэлтсийн захирал, Төрийн банкинд зээлийн эрсдэлийн удирдлагын хэлтсийн захирлаар ажиллаж байсан.

2017 оны 3 дугаар сараас ТрансБанкны Байгууллагын банк хариуцсан дэд захирлаар ажиллаж байна.