Боловсролтой иргэн төслийг эхлүүллээ

ТрансБанк нийгмийн хариуцлагын хүрээнд “Дэлхийн хуримтлалын өдөр”-т зориулан ''Боловсролтой иргэн'' төслийг хэрэгжүүллээ. Төслийн хүрээнд банкны ажилтнууд 100 гаруй ном хандивт цуглуулан, Мажестик номын дэлгүүрээс энэхүү төслийг дэмжиж 300,000 гаруй төгрөгийн үнэ бүхий 70 гаруй төрлийн номыг хандивлаж, ТрансБанк 2 сая гаруй төгрөгийн номын худалдан авалтыг хийж дараах сургуулиудад хандивлахаар төлөвлөж байна.

Үүнд:

  1. Нийслэлийн Сонгино хайрхан дүүргийн 124-р дунд сургууль
  2. Нийслэлийн Сүхбаатар дүүргийн Сонсголын бэрхшээлтэй хүүхдүүдийн 29-р тусгай дунд сургууль
  3. Нийслэлийн Баянзүрх дүүргийн 10-р хорооны оршин суугч 60 настай С. Хишигт гуайн өөрийн санаачилгаар бий болгосон “Бумбардай хүүхдийн номын сан”-д ном бэлэглэх, номын сангийн тохижилтыг хийхээр ажиллаж байна.

Номын цагаан буян дэлгэрэх болтугай.